زحام الحرف

دور في زحام الحرف حكي غايب عن عيونك
وأنام وعبرتي تسال كثير اللي يحبونك
تجيني في حكاوي حلم تجفف عبرتي وتروح
وتترك في زوايا القلب عطر شوق وحنين يفوح
سكوتك يشبه الصحرا على مد النظر في القيظ
تعبت اناجي العبرة واصور لك حنيني فيظ

...

يا كل اللي بقا لي سم ابي بس تامر قليبي
وانا وروحي وبقايا الحلم وكل قلبي انا لك تم
طلبتك ودع سكاتك وسولف لي عن سكوتك
أنا مالي في هالدنيا سوا قلبك ودفا صوتك
سكوتك يشبه الصحرا على مد النظر في القيظ
تعبت اناجي العبرة واصور لك حنيني فيظ

التبليغ عن خطأ